Surya prefers AL Vijay instead of Lingusamy ?

Gossip :

வேளச்சேரி அருகேயிருக்கும் ஒரு நட்சத்திர ஓட்டலில் ரூம் போட்டு கதை விவாதத்தை நடத்திக் கொண்டிருக்கிறார் லிங்குசாமி. காரணம் சூர்யா! முழுசா முடிஞ்ச டிஸ்கஷன் மேலும் நீட்டிக்கப்பட அவர்தான் காரணமாம். ‘சீமான் கதையில ஒரு துளி கூட நம்ம படத்துல இருந்துரக் கூடாது. அதுக்கு, முழுசா கதையவே மாத்துறதுதான் சரியான முடிவு’ என்று கூறிவிட்டாராம் அவர்.

‘மறுபடியும் முதல்லேர்ந்தா?’ என்றெல்லாம் அதிர்ச்சியடையாத லிங்கு, தனது படை பரிவாரங்களுடன் ஸ்டார் ஓட்டலில் தஞ்சமடைந்துவிட்டார். இந்த நேரத்தில் சும்மாயிருக்க முடியாதே? வளைத்து வளைத்து கதை கேட்டுக் கொண்டிருக்கிறார்.

சுமார் முப்பது கோடி சம்பளம் வாங்குகிறாராம் சூர்யா. ஒரு படத்திற்காக அவர் கொடுக்கிற அதிகபட்ச கால்ஷீட் 180 நாட்கள். முப்பது கோடியை 180 ஆல் வகுத்தால் அதுதான் அவரது தினக்கூலி. கணக்கு போட முடியாதவர்கள் கால்குலேட்டரை தேட வேண்டாம். நாங்களே சொல்லிவிடுகிறோம். சுமார் பதினாறு லட்சம்.

இந்த கதை பஞ்சாயத்தில் தினந்தோறும் பதினாறு லட்சத்தை இழந்து கொண்டிருக்கிற அவர், அவசரமாக ஒரு படத்தை அறிவித்தால் என்ன என்கிற மனநிலையில் இருப்பதாக தகவல் கசிகிறது. இந்த நேரத்தில் தலைவா பட இயக்குனர் விஜய், சூர்யாவை சந்தித்து ஒரு கதையை சொன்னாராம். அது டாப்போ டாப் என்கிற மாதிரி இருக்கிறதாம்.

நடுவுல இவரும் மூக்கை நுழைப்பாரு போலிருக்கு! ஒருபக்கம் கவுதம் மேனன், இன்னொரு பக்கம் லிங்குசாமி, நடுவுல நம்ம விஜய்.

எதுக்கும் தினத்தந்தியோட குவாட்டர் பேஜ் விளம்பரத்தை வைச்ச கண் வாங்காம பார்த்துட்டு இருக்கலாம். திடீர் அறிவிப்பு வந்தாலும் ஆச்சர்யமில்ல.