‘బాహుబలి’ సినిమాకి సంబంధించి అధికారికంగా రెండు టీజర్లు వచ్చాయి, కొన్ని ఫొటోలు ఇంటర్నెట్లో హల్చల్ చేస్తున్నాయి.
కొత్తగా మరికొన్ని ఫొటోలు సినిమాపై అంచనాల్ని పెంచేస్తున్నాయి. రాజమౌళి తెరకెక్కిస్తోన్న ‘బాహుబలి’ సినిమాలో ప్రభాస్, రాణా నటిస్తోన్న విషయం విదితమే. ఫిజిక్ విషయంలో.. ఇద్దరూ ఒకర్ని మించి ఇంకొకరుంటారు. ప్రభాస్ సంగతి కొత్తగా చెప్పేదేముంది.? రాణా ‘కృష్ణం వందే జగద్గురుం’ సినిమాలో కండలు తిరిగిన తన శరీరాన్ని ప్రదర్శించాడాయె.
దాంతో, హాలీవుడ్కి చెందిన కొందరు నటుల ఫొటోల్ని మార్ఫింగ్ చేసి, ప్రభాస్ ` రాణాలు ‘బాహుబలి’లో ఇలా వుంటారంటూ ‘బాహుబలి’ అభిమానులు నెట్లో ఫొటోలు వుంచుతున్నారు. అలా వచ్చిన ఫొటోల్లో ఒకటి ఆసక్తిని రేపుతోంది టాలీవుడ్లో. కండలు తిరిగిన శరీరంతో వున్న వ్యక్తికి మేకప్ విభాగం టచప్లు ఇస్తోంది. అది ప్రభాస్దా? లేదంటే రాణాదా.? ఇద్దరిదీ కాదా? ఇంతకీ ఎవరా బాహుబలి.? అన్నది ఆసక్తిగా మారింది నెటిజన్లలో.
సస్పెన్స్కి తెరపడాలంటే, రాజమౌళి మళ్ళీ పెదవి విప్పాల్సిందే. పాపం, ఎన్నిసార్లని రాజమౌళి అయినా ‘బాహుబలి’పై వస్తున్న రూమర్స్కి వివరణ ఇచ్చుకుంటాడు.?
0 comments